قصيدة : سٕيدي وٌ تاجْ راسي

مَلكي يا زينْ البَسْمَهْ
يْحَفْظَكْ رَبي مْنْ لْعْدا
وْ يْخَلِيكْ نَخْوْة وْ هَمّة
وْ يْنَصْرَكْ
فْلْوَقْتْ شْدَادْ وْ فْكُلْ مْحْنَهْ
سيدْ لْبْلادْ وْ تَاجْ راسي وْ راسْ لْمغاربَة لْحرار و الأمّة
مْن لْعْدو نْحميوْه
بْروحْنا وْ دَمْنا

نُقطَة تْكْْونَتْ مْنْها نْجْمَهْ
هي رَمْزْ بْلادي
سُكانْها نَاسْ لْخيرْ
شْهدوا بٕها جْدادي
وْ حْتى ولادي
ارْضْها خَضرا (ة)
مْزَيْناها شْجْرا (ة)
يْلْعَبْ جَنْبْها كُل احْفادي
وْسْطْ سْماها
كَّمْرا (ة ) حَمْرا(ة)
يْشَّعْ ضَوْها فُوقْ ماها
حْتّى جْنْبْ الوادي

وْ سيرْ وْ سيرْ وْ سيرْ
المغرب بْلادْ الخيرْ

زِيتونْها خْضْرْ يْنْضْر
فِيه لْحْلو وْلْمر
يْزَيّنْ لْحْقُول وْ البَوادي

فْلاحْها رْزينْ
يْزْرَع القَمْح وْ التّينْ
يْسْرَحْ لْغْنَمْ فْلْبَرَاري

حَتّى خْرُوفْها
عَالي وْ سْمين
يْشَبَّعْ كُل مَسْكينْ
فَالافْراحْ وْ الاعْيادي

رْجالْها شُجْعانْ
بْلا كْذوبْ او بُهْتان
والتّسْبيحْ فْالايادي

وْ سِيرْ وسيرْ و سيرْ
المغرب بْلاد الخيرْ

مُدُنْها كْثيرَة وْ مُثيرَة
تْعيش فِيها لْعْشيرَة
تْضايْف السّيّاحْ
فْالدّوَّارْ وْ دْويرَة

لْبَيْضاءْ مْدينَة
عِمْلاقهْ ياعُشاقْ
وْ لْشُوفْتْها
لْعالَمْ
يْفْرَحْ وْ يْشْتاقْ

جْديدَه
مْدينَة فْريدة
فِيها تْباتْ
بْحُسْنْ
ضْيافَه وْ تَرْدِيدَه
وْ بْمَرْحْبا وْ زيدْ لْقَدامْ
وْلْخَيْل وْ تْبوريدَه

بْلْباسْ مْطَّرَّزْ بْتْنْباتْ
سْرْبْ مْنْ لْحْمامْ لْبْيَضْ
فُوقْ سْمَا تِطْوانْ يْحَلّقْ
وْ بْإسٍمْها يْجولْ وْ يْشْرَقْ
وْ عْلاشْ الاّ يْتْكَلّم وْ يْنْطَقْ

و سير و سير و سير
المغرب بلاد الخِير

وْسْطْ حْضانْ الطّبيعة
غاباتْ طَنجة
تْعْجَبْ صْحابْ لْبْلادْ
وْ حتّى لْفْرَنْجَة

كُولْ الطّْنجِيّه
وْ لْمرُوزِيّة حتى هيّ
تْلْقاهُم
عَنْدْ صْحابْ الدّقّه المَراكْشيّة

وْ هِي ؟ وْ شْكونْ هِي؟
رْمالْها ذْهَبْ
مْزَيْناها واحَة
ماها يْتْشْرَبْ
سْماها
تْداوي الكّلْبْ
مُلوكْها
احرار شْرفَة عَلويّة
هي الصٌحْرا المغربية
وْ باذن الله هي مْحْمِيّة

عاصمة لبلاد
مدينة الانوار ياااا حُسّاد
مْنَوْرَة بْسيدي وْ تاج راسي
نْحْميهْ بْروحي
وْ نْغَطيهْ باٰنْفاسي

و سير و سير و سير
المغرب بلاد الخير

مَلِكو(ه)
يْحْسْنْ التّدْبيرْ
نْدْعي اللّهْ
مْنْ صَحْتي تَعْطيه
وْ يَبْقى فُوق راسْ
كُلْ غْْدارْ حَقيرْ

خديجة لحرار